Pwrpas y Swydd

Arwain y tîm(au) y mae’n gyfrifol amdano (ynt) i gyflawni yn effeithiol ac effeithlon yr hyn sy’n bwysig i bobl Gwynedd drwy greu a chynnal amgylchedd o barch ac ymddiriedaeth gan rymuso, arfogi ac ysbrydoli’r staff.

Cyfrifoldeb am Adnoddau

Staff y Gwasanaeth Amgueddfeydd a’r Celfyddydau, cyllidebau’r gwasanaeth, casgliadau amgueddfaol, offer ac adeiladau’r gwasanaeth.

Prif Ddyletswyddau

Arwain

• Bod yn atebol am y gwasanaeth a’r defnydd mwyaf effeithiol ac effeithlon o’r adnoddau sydd ar gael.
• Arwain staff y gwasanaeth drwy annog a chymell i berchnogi egwyddorion Ffordd Gwynedd.
• Sicrhau amgylchedd sy’n hyrwyddo llesiant staff.
• Cynorthwyo’r tîm i sefydlu egwyddorion gweithredu gan ystyried deddfau perthnasol.
• Bod yn ymwybodol o sut mae systemau’r tîm yn gweithio a hwyluso i’w herio pan fo angen.
• Sicrhau fod y tîm yn cyfrannu at amcanion gwasanaethau neu sefydliadau eraill.
• Hyrwyddo adnabod a gweithredu ar fygythiadau a chyfleoedd y dyfodol.
• Sicrhau ymwybyddiaeth o’r hinsawdd gyfreithiol a gwleidyddol sy’n effeithio ar y gwasanaeth.
• Sicrhau fod y tîm yn ystyried arferion da yn y maes gwasanaeth.
• Arwain newid o fewn y gwasanaeth lle bo angen.
• Ymdrin â phryderon gan Aelodau Etholedig ynglŷn â’r gwasanaeth.

Galluogi a Grymuso

• Recriwtio a datblygu unigolion a thimau.
• Arfogi’r tîm i sefydlu beth sy’n bwysig i bobl Gwynedd.
• Sicrhau fod penderfyniadau yn cael eu gwneud ar sail tystiolaeth.
• Helpu’r tîm i adolygu a herio ei berfformiad.
• Creu awyrgylch sy’n galluogi aelodau’r tîm i gyfrannu a gwneud penderfyniadau.
• Sicrhau ymddiriedaeth ac atebolrwydd o fewn y tîm.

Cyflawni

• Arfogi’r tîm i fesur perfformiad yn erbyn pwrpas.
• Annog arloesi, mentro a dysgu o brofiad.
• Cymell a mentora’r tîm i adnabod a dileu rhwystrau.
• Datrys unrhyw rwystrau na all y tîm eu datrys.
• Sicrhau fod cwynion yn derbyn sylw priodol.
• Gweithredu mewn ffordd rhagweithiol ac agored i syniadau newydd.

Hunan Adlewyrchu

Adlewyrchu ar gyflawniad personol yn erbyn yr hyn sydd yn y swydd-ddisgrifiad.

Meysydd Penodol y Swydd

• Arwain y Gwasanaeth Amgueddfeydd a’r Celfyddydau yn ei holl agweddau.
• Arwain ac arolygu gwaith Storiel, Amgueddfa Lloyd George, Yr Uned Celfyddydau Cymunedol a Chelfyddydau Gweledol.
• Casglu, dogfennu, diogelu a darparu mynediad at gasgliadau amgueddfaol.
• Arwain ar lunio rhaglen arddangosfeydd a gweithgareddau diwylliannol.
• Codi ymwybyddiaeth o waith Storiel, Amgueddfa Lloyd George a diwylliant Gwynedd.
• Sicrhau arfer proffesiynol da a chynnal safonau Achredu Amgueddfeydd.
• Rhoi cyngor i adrannau eraill ac asiantaethau allanol.
• Darparu cyngor i ymchwilwyr ac ymateb i ymholiadau.
• Gweithio gyda swyddogion dysgu ac ymgysylltu i ddarparu rhaglen addysg a chymunedol.
• Arolygu rhaglen arddangosfeydd orielau’r gwasanaeth.
• Paratoi ceisiadau grant a rheoli prosiectau cysylltiedig.
• Cynnal perthynas gyda Chyfeillion Storiel a sefydliadau cefnogi.
• Gweithio gyda'r Swyddog Celfyddydau Cymunedol i ddyrannu grantiau.
• Cydlynu’r rhaglen waith sy’n gysylltiedig â’r Cynllun Celfyddydau a’r Cynllun Diwylliant.
• Hyrwyddo defnydd ac ymwybyddiaeth y cyhoedd o’r celfyddydau a diwylliant.
• Arwain ar brosiectau a fforymau cydweithredol yn y maes gwasanaeth.
• Ymchwilio a pharatoi adroddiadau.
• Cynrychioli’r gwasanaeth gyda sefydliadau ac asiantaethau allanol.
• Cyfrannu at raglen farchnata a chyhoeddi’r sir.
• Bod yn gyfrifol am benderfyniadau Iechyd a Diogelwch o fewn y gwasanaeth.
• Sicrhau fod cynllun argyfwng y gwasanaeth yn gyfredol.
• Bod yn bwynt cyswllt ar gyfer safleoedd diwylliannol eraill.
• Cyflawni tasgau rheolaethol eraill ar gais y Pennaeth neu’r Pennaeth Cynorthwyol.

Amgylchiadau Arbennig

• Angen gweithio gyda’r nos ac ar benwythnosau yn achlysurol.
• Trwydded yrru lawn a defnydd o gar.