Cyfieithydd a Chynghorydd Polisi’r Iaith Gymraeg

Cyfeirnod: 487511
Cyflog: £32,027. Pensiwn y Gwasanaeth Sifil gyda chyfraniad cyflogwr o 28.97%.
Math o gontract: Parhaol
Patrwm gwaith: Gweithio hyblyg, Llawn amser, Rhannu swydd neu Ran-amser
Lleoliad: Abertawe

Allwch chi gyfathrebu’n hyderus yn Gymraeg ac yn Saesneg, gan ddarparu cyfieithiadau a gwasanaethau dwyieithog o ansawdd uchel?

Oes gennych brofiad o gyfieithu a phrawfddarllen cynnwys yn gywir, gan roi sylw manwl i fanylion a chanolbwyntio ar ansawdd?

Ydych chi’n barod i hyrwyddo gwasanaethau dwyieithog a chefnogi rhwymedigaethau’r Gymraeg ar draws sefydliad deinamig?

Os felly, byddem wrth ein bodd yn clywed gennych!

Mae Tîm Polisi’r Iaith Gymraeg yn chwarae rhan allweddol wrth gefnogi ymrwymiad y sefydliad i ddarparu gwasanaethau dwyieithog o safon uchel. Mae’r tîm yn darparu gwasanaethau cyfieithu a phrawfddarllen proffesiynol yn y Gymraeg a’r Saesneg, gan sicrhau bod cyfathrebiadau’n gywir, yn gyson ac yn hygyrch i gwsmeriaid a rhanddeiliaid. Maent yn cynghori cydweithwyr ar ofynion gwasanaethau dwyieithog, yn hyrwyddo’r defnydd o’r Gymraeg ar draws y sefydliad, ac yn cefnogi cydymffurfiaeth â deddfwriaeth y Gymraeg a Chynllun Iaith Gymraeg yr Asiantaeth. Gan weithio’n agos â rhanddeiliaid mewnol ac allanol, mae’r tîm hefyd yn cydgysylltu ymatebion i ymholiadau a chwynion sy’n ymwneud â’r Gymraeg, ac yn arwain gweithgareddau sy’n codi ymwybyddiaeth ac yn annog y defnydd o’r Gymraeg ymhlith staff a chwsmeriaid ledled Cymru.

Mae ymuno â’n hadran yn dod â llawer o fanteision, gan gynnwys:

• Cyfraniad pensiwn cyflogwr o 28.97% o’ch cyflog. Darllenwch fwy am Bensiynau y Gwasanaeth Sifil yma: https://www.civilservicepensionscheme.org.uk/memberhub/joining-the-pension-scheme/contribution-rates/
• 25 diwrnod o wyliau blynyddol, yn cynyddu 1 diwrnod am bob blwyddyn o wasanaeth (hyd at uchafswm o 30 diwrnod o wyliau blynyddol), ynghyd ag 8 gŵyl banc a diwrnod braint ar gyfer pen-blwydd y Brenin.
• Opsiynau gweithio hyblyg lle rydym yn annog cydbwysedd gwych rhwng bywyd a gwaith.

Darllenwch fwy yn yr adran Buddion isod!

Dysgwch fwy am sut beth yw gweithio yn DVLA: https://www.civil-service-careers.gov.uk/departments/dvla-home/

Disgrifiad swydd

Mae hwn yn gyfle gwych i chwarae rhan allweddol wrth gefnogi ymrwymiadau’r sefydliad i’r Gymraeg. Byddwch yn gweithio gyda chydweithwyr a rhanddeiliaid ar draws ystod eang o feysydd busnes, gan ddarparu cyngor arbenigol, meithrin perthnasoedd cadarnhaol, a helpu i sicrhau bod cwsmeriaid yn derbyn gwasanaethau dwyieithog o safon uchel. Mae’r rôl yn cynnig llwyth gwaith amrywiol, gan gyfuno cyfrifoldebau cynghori, cydymffurfio, gwasanaeth i gwsmeriaid a hyrwyddo o fewn amgylchedd tîm cydweithredol a chefnogol.

Bydd eich cyfrifoldebau’n cynnwys, ond nid ydynt yn gyfyngedig i:

1. Gyfathrebu’n ddwyieithog, ar lafar ac yn ysgrifenedig, gyda rhanddeiliaid mewnol ac allanol.
2. Cyfieithu dogfennau o’r Gymraeg i’r Saesneg ac o’r Saesneg i’r Gymraeg ar gyfer cwsmeriaid a meysydd busnes.
3. Prawfddarllen eich cyfieithiadau eich hun a chyfieithiadau cydweithwyr, gan sicrhau bod safonau ansawdd a therfynau amser yn cael eu bodloni.
4. Darparu cyngor ac arweiniad ar wasanaethau dwyieithog ledled y sefydliad.
5. Monitro cydymffurfiaeth â gofynion y Gymraeg a chynghori ar rwymedigaethau deddfwriaethol.
6. Cydgysylltu ymatebion i gwynion a materion sy’n ymwneud â gwasanaethau dwyieithog.
7. Cydgysylltu gweithgareddau mewnol ac allanol sy’n hyrwyddo’r Gymraeg a gwasanaethau dwyieithog.

I gael rhagor o wybodaeth am y rôl, darllenwch y proffil rôl. Noder mai at ddibenion gwybodaeth yn unig y mae’r proffil rôl - er bod pob elfen yn berthnasol i’r rôl, efallai na fyddant i gyd yn cael eu hasesu yn ystod y broses recriwtio. Bydd yr hysbyseb swydd hon yn manylu’n union beth fydd yn cael ei asesu yn ystod y broses recriwtio.

Manyleb y person

I fod yn llwyddiannus yn y rôl hon bydd angen ichi feddu ar y profiad canlynol:

1. Profiad o gyfathrebu’n hyderus yn y Gymraeg a’r Saesneg, ar lafar ac yn ysgrifenedig.
2. Profiad o gyfieithu a phrawfddarllen cynnwys Cymraeg a Saesneg gyda lefel uchel o gywirdeb.
3. Profiad o feithrin perthnasoedd effeithiol a darparu cyngor i gydweithwyr, cwsmeriaid neu randdeiliaid.
4. Profiad o reoli blaenoriaethau sy’n cystadlu â’i gilydd, cwrdd â therfynau amser, a chynnal safonau ansawdd uchel.

Gwybodaeth ychwanegol

Noder bod yn rhaid cyflwyno eich CV a’ch Datganiad Personol yn gyfan gwbl yn y Gymraeg. Ni ellir ystyried unrhyw geisiadau na chânt eu cyflwyno’n gyfan gwbl yn y Gymraeg.

Oriau gwaith, presenoldeb yn y swyddfa a gofynion teithio

Mae rolau llawn amser yn cynnwys 37 awr yr wythnos.

Er ein bod yn croesawu ceisiadau gan y rhai sy’n awyddus i weithio gyda ni ar sail rhan-amser, mae gofyniad busnes i’r ymgeisydd llwyddiannus allu gweithio o leiaf 35 awr yr wythnos.

Mae’r rôl hon yn addas ar gyfer gweithio hybrid, sef trefniant anghytundebol lle gellir darparu ar gyfer cyfuniad o weithio yn y gweithle a gweithio gartref yn amodol ar ofynion busnes.

Y disgwyliad ar hyn o bryd yw y bydd o leiaf 60% o’ch amser gwaith y mis yn cael ei dreulio naill ai yn eich gweithle dynodedig (un o’r lleoliadau a grybwyllir yn yr hysbyseb) neu, pan fo angen am resymau busnes, mewn swyddfa/lleoliad gwaith arall/rhanddeiliaid sy’n ymweld. Eich gweithle dynodedig fydd eich gweithle contractiol. Efallai y bydd achlysuron lle bydd gofyn ichi fynychu uwchlaw’r disgwyliad lleiaf.

Bydd angen teithio’n achlysurol i swyddfeydd eraill, a all olygu aros dros nos.

Cymwysterau

Gradd yn y Gymraeg/neu wedi astudio cwrs academaidd trwy gyfrwng y Gymraeg/neu gymhwyster cydnabyddedig mewn sgiliau cyfieithu Cymraeg neu barodrwydd i weithio tuag at hynny YNGHYD â chefndir Cymraeg cryf, yn ffurfiol ac yn gymdeithasol.

Os oes gennych gwestiwn am weithio hybrid, oriau rhan-amser/rhannu swydd, gweithio hyblyg, teithio i’r gwaith, neu os oes angen addasiad rhesymol arnoch, cysylltwch â Deiliad y Swydd Wag yn ystod y broses recriwtio er mwyn osgoi siom bosibl yn ddiweddarach yn y broses os nad yw eich trefniadau gwaith yn gydnaws â gofynion y rôl.

Nawdd Fisa

Nodwch nad oes gennym Drwydded Tystysgrif Nawdd Gweithiwr Medrus Fisa a Mewnfudo’r DU (UKVI) ac nad ydym yn gallu noddi unrhyw unigolion ar gyfer Nawdd Gweithiwr Medrus. Rhaid i ymgeiswyr sicrhau bod ganddynt yr hawliau priodol i weithio yn y DU cyn gwneud cais.

Ieithoedd

Mae’n ofynnol ichi fod yn siaradwr Cymraeg rhugl er mwyn ymgymryd â’r rôl hon. Rhaid i’ch CV a’ch Datganiad Personol gael eu cyflwyno’n gyfan gwbl yn y Gymraeg.

Ymddygiadau

Byddwn yn eich asesu yn erbyn yr ymddygiadau hyn yn ystod y broses ddethol:

• Cyfathrebu a Dylanwadu
• Gweithio ar y Cyd
• Rheoli Gwasanaeth o Ansawdd
• Cyflawni’n Brydlon

Buddion

Ochr yn ochr â’ch cyflog o £32,027, mae’r Asiantaeth Trwyddedu Gyrwyr a Cherbydau yn cyfrannu £9,278 tuag at eich aelodaeth o gynllun Pensiwn Buddion Diffiniedig y Gwasanaeth Sifil.

Cael gwybod pa fuddion y mae Pensiwn y Gwasanaeth Sifil yn eu darparu:

https://www.civilservicepensionscheme.org.uk/memberhub/joining-the-pension-scheme/benefits-of-the-pension-scheme/

Mae bod yn rhan o’n Gwasanaeth Sifil gwych yn golygu y byddwch yn gallu manteisio ar ystod eang o fuddion gwych:

• Cyfraniad pensiwn cyflogwr o 28.97% o’ch cyflog. Darllenwch fwy am Bensiynau y Gwasanaeth Sifil yma:  https://www.civilservicepensionscheme.org.uk/memberhub/joining-the-pension-scheme/contribution-rates/
• 25 diwrnod o wyliau blynyddol, gan gynyddu 1 diwrnod am bob blwyddyn o wasanaeth (hyd at uchafswm o 30 diwrnod o wyliau blynyddol)
• 8 Gŵyl Banc ynghyd â Diwrnod Braint ychwanegol i nodi pen-blwydd y Brenin.
• Mynediad i borth gostyngiadau i staff.
• Cyfleoedd datblygu gyrfa rhagorol a’r potensial i ymgymryd â chymwysterau proffesiynol sy’n berthnasol i’ch rôl a delir amdanynt gan yr adran, fel CIPD, Prince2, prentisiaethau, ac ati.
• Ymuno â gweithlu amrywiol a chynhwysol gydag amrywiaeth o gymunedau staff i gefnogi ein holl gydweithwyr.
• Rhaglen Gymorth 24-awr i Gyflogeion sy’n darparu cymorth a chyngor cyfrinachol am ddim i staff.
• Opsiynau gweithio hyblyg lle rydym yn annog cydbwysedd gwych rhwng bywyd a gwaith.

Dysgwch fwy am fanteision gweithio yn Yr Adran Drafnidiaeth a’i hasiantaethau: https://www.civil-service-careers.gov.uk/departments/dft-home/dft-pay-and-reward/

Dyddiad cau: 11:55pm, dydd Sul 29 Tachwedd 2026.