Cynorthwyydd Gweinyddol

Ydych chi'n chwilio am swydd lle rydych yn gweithio mewn tîm sy'n ysbrydoli ac yn cefnogi pobl i feddwl am eu gyrfa yn y dyfodol? Rydym yn chwilio am unigolion hyblyg sy'n rhoi'r cwsmer yn gyntaf i ymuno â'n tîm i ddarparu cymorth gweinyddol i ddiwallu anghenion ein cwsmeriaid.

Sefydliad: Career Choices Dewis Gyrfa Cyf (CCDG), is-gwmni ym mherchnogaeth Llywodraeth Cymru

Rydym yn darparu cyfarwyddyd a hyfforddiant gyrfaoedd hanfodol, annibynnol, di-duedd a dwyeithog i bobl o bob oedran yng Nghymru, gan gynnwys gwasanaeth Cymru’n Gweithio.

Gofyniad Iaith Gymraeg: Lefel Ganolradd o leiaf

Manylion y Swydd

• Lleoliad: Castell-nedd (gall gynnwys achlysurol Canolfannau eraill e.e. Abertawe a Llanelli)
• Oriau Gwaith: 37 awr yr wythnos, Dydd Llun i Dydd Gwener
• Graddfa Cyflog: £25,957 - £26,131
• Cyflog Cychwynnol: £25,957 y flwyddyn
• Dyddiad Cau: Hanner nôs 26/02/26

Prif Gyfrifoldebau

• Darparu cymorth gweinyddol a derbynfa effeithlon i'r Tim Cymru’n Gweithio
• Defnyddio sgiliau Cymraeg i ddilyn sgyrsiau bob dydd a sgyrsiau gwaith, ac ymgysylltu mewn trafodaethau
• Delio ag ymholiadau dros y ffôn, e-bost a wyneb yn wyneb
• Dangos ymrwymiad i wasanaeth rhagorol i gwsmeriaid
• Ymdrin ag ymholiadau anghyffredin sy'n gofyn am drafod a pherswadio
• Sgiliau TGCh dangosadwy
• Trefnu a blaenoriaethu baich gwaith ac amseroedd terfyn
• Defnyddio cymhelliant a chrebwyll yn ddyddiol
• Gweithio fel rhan o dîm

Hyfforddiant

Fel rhan o'r rhaglen hyfforddi, bydd disgwyl i'r ymgeisydd llwyddiannus gwblhau Prentisiaeth Gweinyddiaeth Busnes Lefel 2 os nad oes ganddynt y cymhwyster yn barod.

Amrywiaeth a Chynhwysiant

Rydym yn hyrwyddo amrywiaeth a chynhwysiant ac yn ymrwymo i gael gweithlu cynrychioliadol. Ni fydd unrhyw ymgeisydd yn cael triniaeth lai ffafriol ar sail oed, anabledd, rhywedd, hil, crefydd, statws priodasol, statws economaidd neu dueddiad rhywiol.

Broses Dethol

Dylid cyflwyno ceisiadau erbyn hanner nôs ar 26/02/26. Bydd y broses ddethol yn cynnwys prawf ymchwil/ysgrifenedig trwy Teams a chyfweliadau wyneb yn wyneb yng Nghanolfan Gyrfa Castell-nedd, wythnos dechrau 16/03/2026.

Buddiannau

• Amser hyblyg
• 31 diwrnod o wyliau blynyddol (pro rata ar gyfer gweithwyr rhan-amser)
• Cynllun pensiwn cyfrannol
• Cynllun arian yn ôl yn ymwneud ag iechyd

Sut i wneud cais

Ewch i Safle Recriwtio Gyrfa Cymru am fanylion y swydd a'r ffurflen gais. Croesewir ceisiadau yn Gymraeg neu Saesneg. Ni fydd cais a wneir yn Gymraeg yn cael ei drin yn llai ffafriol na chais a wneir yn Saesneg.