Mae Career Choices Dewis Gyrfa Cyf (CCDG), is-gwmni sy'n eiddo llwyr i Lywodraeth Cymru, yn darparu gwasanaethau hanfodol i bob oedran o ran cyfarwyddyd gyrfaoedd a darparu anogaeth. Mae’r gwasanaethau a ddarperir yn annibynnol a diduedd ac ar gael ledled Cymru, gan gynnwys drwy raglen Cymru’n Gweithio.

Fel cenedl, rydyn ni’n ffynnu wrth hyrwyddo amrywiaeth a chynhwysiant. Mae gweithlu amrywiol yn arwain at wneud gwell penderfyniadau, mwy o greadigrwydd, timau cryfach a gweithleoedd hapusach – ac yn bwysicaf oll, dyma'r peth iawn i'w wneud. Mae ein hymrwymiad i amrywiaeth yn ein helpu i barhau i ddarparu gwasanaethau cyhoeddus rhagorol a sicrhau bod ein gweithlu yn adlewyrchu'r cymunedau rydyn ni'n eu gwasanaethu. Rydyn ni’n croesawu ceisiadau gan bobl o bob cefndir.

Rolau Ar Gael

Rolau amser llawn (37 awr) ar gael yn Abertawe, Powys/Ceredigion, a rhanbarthau De-ddwyrain, De-orllewin a Chanolbarth Cymru.

• Cyflog Cynghorydd Gyrfa: £32,262 – £37,330 (gan ddechrau ar £32,262)
• Cyflog Cynghorydd Gyrfa dan Hyfforddiant: £30,993
• Sgiliau Cymraeg: Hanfodol – Canolradd neu Uwch

Ydych chi'n rhywun sy'n gallu...

• Ysbrydoli ac ysgogi pobl ifanc ac oedolion i gymryd camau cadarnhaol tuag at gyflawni eu huchelgeisiau?
• Cyfrannu at ddatblygu sgiliau ac at lwyddiant economaidd Cymru yn y dyfodol?
• Gweithio o fewn sefydliad cenedlaethol modern ac arloesol lle gallwch wneud gwahaniaeth?

Mae Gyrfa Cymru yn darparu gwasanaeth cyfarwyddyd i bawb. Mae ein tîm Gwasanaethau i Bobl Ifanc yn cefnogi dysgwyr ym maes addysg, tra bod ein tîm Cymru’n Gweithio yn gweithio gyda chwsmeriaid yn y farchnad lafur.

Gyrfa Cymru yw’r unig sefydliad cenedlaethol sy'n cynnig gwybodaeth, cyngor a chyfarwyddyd gyrfaoedd diduedd yng Nghymru, ac mae ein cynghorwyr yn angerddol am helpu unigolion i wireddu eu potensial.

Ynglŷn â'r Rolau

Abertawe – Tîm Cymru’n Gweithio (Sgiliau Cymraeg Canolradd)

Byddwch yn cefnogi pobl ifanc ac oedolion i fentro i’r farchnad lafur neu ail-ymuno â'r farchnad lafur drwy asesu, rhoi cyfarwyddyd a darparu cymorth wedi'i deilwra.

Mae hyn yn cynnwys gweithio gydag unigolion sy'n ddi-waith, yn economaidd anweithgar, yn profi rhwystrau iechyd neu anabledd, neu sy'n dymuno newid gyrfa.

Byddwch hefyd yn cydweithio ag ystod eang o bartneriaid lleol a chenedlaethol megis darparwyr hyfforddiant, y Ganolfan Byd Gwaith, carchardai, timau troseddau ieuenctid, cyflogwyr a sefydliadau eraill.

Mae cynghorwyr yn defnyddio amrywiaeth o offer a dulliau, gan gynnwys cymorth un-i-un, sesiynau cyflogadwyedd grŵp a chyflwyniadau digidol.

Profiad Dymunol

• Sefydliadau addysg neu hyfforddiant
• Cymorth iechyd, gofal cymdeithasol neu anabledd
• Cefnogi oedolion sy'n dychwelyd i'r farchnad lafur
• Gweithio gyda chymunedau ethnig leiafrifol, ceiswyr lloches neu ffoaduriaid
• Gweithio mewn lleoliad carchar

Powys/Ceredigion – Tîm Gwasanaethau i Bobl Ifanc (Sgiliau Cymraeg Uwch)

Mae'r rolau hyn yn canolbwyntio ar baratoi pobl ifanc ar gyfer cyfnodau pontio allweddol yn eu haddysg a'u gyrfaoedd yn y dyfodol.

Byddwch yn gweithio ar draws ysgolion prif ffrwd, ysgolion arbennig, colegau AB ac gyda phobl ifanc sy’n cael eu haddysgu y tu allan i leoliadau prif ffrwd.

Rolau Peripatetig – Rhanbarthau De-ddwyrain, De-orllewin a Chanolbarth Cymru

Bydd y cynghorwyr neu’r rhai dan hyfforddiant hyn yn gweithio’n hyblyg ar draws y ddau faes darparu gwasanaeth, gan gefnogi un rhanbarth yr un.

Bydd amser teithio y tu hwnt i’r lleoliad cytundebol yn cyfrif fel oriau gwaith a bydd costau teithio ychwanegol yn cael eu had-dalu.

Gwybodaeth Gyffredinol

• Rhaid i ymgeiswyr feddu ar drafnidiaeth addas i gyflawni eu dyletswyddau.
• Rhaid i Gynghorwyr Gyrfaoedd feddu ar Ddiploma Lefel 6 mewn Cyfarwyddyd Gyrfaoedd a Datblygiad.
• Bydd Cynghorwyr Gyrfaoedd dan Hyfforddiant yn cwblhau'r Diploma Lefel 6 fel rhan o’r rôl.
• Mae angen gwiriad DBS manwl.

Lefelau Sgiliau Iaith Gymraeg

Canolradd

Byddwch yn gallu deall a chyfathrebu’n glir ar bynciau bob dydd a phynciau gwaith, cynnal sgyrsiau a chynhyrchu e-byst neu lythyrau clir.

Uwch

Byddwch yn gallu dilyn y rhan fwyaf o drafodaethau, cyfrannu’n hyderus mewn sgyrsiau gyda siaradwyr rhugl, a chynhyrchu adroddiadau a gohebiaeth glir.

Manylion Ymgeisio

Mae disgrifiadau swydd llawn a ffurflenni cais ar gael yn: Swyddi Gwag – Gyrfa Cymru (llyw.cymru).

Dyddiad Cau: Dydd Iau 19eg o Fawrth 2026 (hanner nos).

Canolfannau Asesu: 27 Ebrill, 28 Ebrill neu 6 Mai 2026 (trwy Microsoft Teams).

Cyfweliadau: Rhwng 27 Ebrill a 8 Mai 2026 (trwy Microsoft Teams).

Nid ydym yn derbyn ceisiadau ar ffurf CV. Croesewir ceisiadau yn Gymraeg neu Saesneg, ac ni fydd ceisiadau Cymraeg yn cael eu trin yn llai ffafriol.

Cydraddoldeb

Rydyn ni wedi ymrwymo i sicrhau nad oes unrhyw ymgeisydd yn derbyn triniaeth llai ffafriol ar sail oedran, anabledd, hunaniaeth rhywedd, hil neu ethnigrwydd, crefydd neu gred, statws priodas neu bartneriaeth sifil, statws economaidd neu gyfeiriadedd rhywiol.

Rydyn ni’n hyrwyddo gweithle sy'n rhydd o wahaniaethu, gan drin pawb gydag urddas a pharch trwy gydol y broses recriwtio a chyflogaeth.