Uwch Beiriannydd Platfform Cwmwl
Pam ymuno ag S4C?
Yn S4C, rydym yn angerddol am greu amgylchedd gwaith cadarnhaol, egnïol a chynhwysol sy'n adlewyrchu ein gwerthoedd craidd:
Ar Dy Orau, Balch o S4C, Dathlu pawb, Cer Amdani.
Mae hwn yn gyfnod cyffrous i ymuno â'n tîm wrth i ni barhau i feithrin diwylliant o waith sy'n rhoi pobl wrth galon y sefydliad ac ar adeg dyngedfennol yn hanes S4C wrth i ni weithredu ein strategaeth newydd, S4C - Mwy na Sianel Teledu, ac wrth i ni weithredu strategaeth 2030. Rydym yn chwilio am unigolyn trefnus, dibynadwy, gweithgar a brwdfrydig sy'n byw yn ôl ein gwerthoedd craidd i ymuno â'n Tîm.
Trosolwg o'r Swydd
Mae’r rôl hon yn cynnig cyfle gwych i Uwch Beiriannydd Platfform chwarae rhan ganolog yn y gwaith o ddatblygu, cynnal a gwella’r seilwaith sy’n sail i wasanaethau digidol S4C. Gyda ffocws cryf ar AWS, byddwch yn gweithio ar draws meysydd dibynadwyedd platfformau, piblinellau defnyddio, gallu i arsylwi ar weithrediad systemau, diogelwch, integreiddio â phartneriaid a galluoedd platfformau cynhyrchu incwm. Byddwch yn cefnogi’r Arweinydd Pensaeriadol Datrysiadau i ddarparu seilwaith platfformau diogel, sefydlog, graddadwy a chost-effeithiol, sy’n galluogi S4C i wireddu ei huchelgeisiau Digidol yn Gyntaf.
Wrth i S4C barhau â'i thrawsnewid i fod yn gyhoeddwr cynnwys aml-blatfform, mae systemau digidol, llif gwaith a rheoli cynnwys wrth wraidd popeth a wnawn o fewn y Tîm Datblygu Cynnyrch.
Byddwch yn adrodd i'r Arweinydd Pensaeriadol Datrysiadau o fewn adran Gorfforaethol / Tîm Datblygu Cynnyrch S4C.
Manylion eraill
Lleoliad: Caerdydd / Caerfyrddin / Caernarfon (o leiaf 2 ddiwrnod yn y swyddfa)
Cyflog: £62,500.00 y flwyddyn
Cytundeb: Parhaol
Oriau gwaith: 35.75 yr wythnos. Oherwydd natur y swydd, disgwylir hyblygrwydd, gan gynnwys gweithio y tu allan i oriau swyddfa, ar rai penwythnosau a gwyliau banc.
Cyfnod prawf: 3 mis
Gwyliau: Yn ogystal â'r gŵyl banc statudol, bydd gennych hawl i 26 diwrnod o wyliau. Os ydych yn cael eich cyflogi'n rhan-amser, byddwch yn derbyn cyfran pro rata o'r absenoldeb.
Pensiwn: Mae hawl gan staff cyflogedig ymuno â Chynllun Pensiwn Personol Grŵp yn ddarostyngedig i delerau unrhyw gynllun sydd mewn bodolaeth ac a ddiwygiwyd o dro i dro. Os byddwch yn aelod o’r Cynllun Pensiwn Personol Grŵp, bydd S4C yn cyfrannu 10% o’ch cyflog sylfaenol i’r Cynllun. Disgwylir i chi gyfrannu 5%.
Teithio: Bydd teithio achlysurol yn rhan o'r swydd, fel arfer yn y Deyrnas Unedig
Ceisiadau
Dylid anfon ceisiadau erbyn 5.00 ar ddydd Gwener 13 Tachwedd 2026 yn uniongyrchol i Pobl@s4c.cymru
Cadwn y cyfle i gau'r hysbyseb swydd hon yn gynnar os derbynnir nifer ddigonol o geisiadau. Argymhellir gwneud cais yn gynnar.
Dyddiad Cyfweliad: I'w gadarnhau ond mae'n debygol y bydd yn cael ei gynnal ar ôl wythnos 23ain o Dachwedd 2026.
Nid ydym yn derbyn CVs.
Ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.
