Cyflog: £26,000 y flwyddyn

Lleoliad: Hybrid

Math o swydd: Parhaol, llawn-amser (37.5 awr yr wythnos)

Dyddiad dechrau: Cyn gynted â phosibl

Angerddol am ymchwil a'r cyfryngau? Siaradwr Cymraeg rhugl?
Ydych? Os felly, gallai ein rôl Recriwtio ac Ymgysylltu i Siaradwr Cymraeg fod yn berffaith i chi.

Yma yn TRP Research rydyn ni’n creu ac yn rhedeg prosiectau ymchwil sydd wedi'u cynllunio i fesur y ffordd y mae pobl yn defnyddio’r cyfryngau, eu hagweddau tuag atynt a’u hymddygiad. Mae defnyddio'r cyfryngau yn cynnwys teledu, ffrydio a radio, yn ogystal â'r cyfryngau cymdeithasol. Mae'r data a gesglir yn cael eu defnyddio gennym i helpu ein cleientiaid, gan gynnwys darlledwyr a chrewyr sioeau teledu, i wneud penderfyniadau strategol a thactegol sy'n seiliedig ar dystiolaeth am y cyfryngau maen nhw'n eu cyflwyno i wylwyr.

Rydyn ni’n rhedeg sawl panel defnyddwyr gan gynnwys trpsurveys.com, surveypraeg.com, panelcyfryngau.cymru, a mediaopinionsireland.ie.

Fel Cynorthwyydd Ymchwil Recriwtio ac Ymgysylltu, byddwch yn gweithio ochr yn ochr â thîm bach o gydweithwyr i recriwtio paneli sy’n cynrychioli’r ddemograffeg, a’u cadw.

Prif Gyfrifoldebau

• Gweithio gyda'r tîm i weithredu strategaethau recriwtio – e.e. gweithio gyda dylanwadwyr ar-lein, hysbysebu, a meithrin perthnasoedd ag elusennau a grwpiau
• Dylunio cyfryngau creadigol i'w defnyddio ar gyfer recriwtio, ymgysylltu a chyfathrebu ag aelodau ein paneli
• Dadansoddi data o ymatebion i greu syniadau a rhedeg ymgyrchoedd i ymgysylltu ag aelodau’r paneli a recriwtio aelodau newydd
• Paratoi deunyddiau cyfathrebu ar gyfer aelodau’r paneli, gan gynnwys ymateb i ymholiadau i fewnflwch arolygon a negeseuon sydyn ac uniongyrchol ar y cyfryngau cymdeithasol, yn Gymraeg ac yn Saesneg

Bydd ein Cynllun Hyfforddi a Datblygu mewnol yn eich cefnogi ar eich taith gyda TRP. Mae aelodau presennol y tîm wedi datblygu o swyddi tebyg i swyddi uwch o fewn TRP.

Sgiliau a Phrofiad

Hanfodol

• Yn rhugl yn y Gymraeg a'r Saesneg (yn ysgrifenedig ac ar lafar)
• Yn gyfathrebwr effeithiol sy'n gallu teilwra'r cyfathrebu i gynulleidfaoedd a demograffeg wahanol
• Â’r gallu i weld “y tu hwnt i'r rhifau” i adnabod tueddiadau a phatrymau, ac ychwanegu ystyr a mewnwelediad at y data
• Â gwybodaeth weithiol dda am becyn Microsoft Office, yn enwedig Word ac Excel
• Profiad o weithio o fewn fframweithiau cydymffurfio – e.e. GDPR, Cynlluniau Iaith Gymraeg

Dymunol

• Yn gyfarwydd â Photoshop, Canva neu debyg
• Yn gyfarwydd ag ymgysylltu trwy adnoddau cyfryngau (e.e. Meta, Spotify)

Nodweddion Personol

• Yn gymdeithasol, yn hawdd mynd ato/ati ac yn frwdfrydig
• Yn gyfathrebwr hyderus, clir ac yn ennyn diddordeb
• Yn greadigol ac yn wych am feddwl am syniadau y gallant eu trosi yn gynnwys effeithiol a difyr
• Yn drefnus ac yn gallu gweithio'n annibynnol yn ogystal â gweithio fel aelod o dîm
• Yn gallu addasu ac yn gallu rheoli eu hamser yn dda, hyd yn oed pan fydd blaenoriaethau yn newid
• Yn gallu dilyn cyfarwyddiadau clir a gweithio ar eu menter eu hun pan fo angen
• Yn awyddus i ddatblygu

Pam TRP Research?

Bydd ein Cynllun Datblygu mewnol yn helpu i lunio datblygiad eich gyrfa o fewn TRP Research ac yn rhoi llwybr wedi'i deilwra i chi tuag at ddilyniant.

• 22.5 diwrnod o wyliau ynghyd â gwyliau banc y DU, yn cynyddu i uchafswm o 27.5 diwrnod gyda phob blwyddyn o wasanaeth
• Hyblygrwydd gyda gwyliau, gan gynnwys cario gwyliau rhwng blynyddoedd ariannol a phrynu hyd at 10 diwrnod ychwanegol
• 6 wythnos o wyliau â thâl i rieni ar 70% o’u cyflog wythnosol cyfartalog (yn ychwanegol at hawliau statudol)
• Cynllun Gofal Iechyd Preifat (ar ôl cwblhau cyfnod prawf o 3 mis), yn cynnwys yswiriant teithio, profion llygaid am ddim a lwfans arian-yn-ôl ar gyfer sbectol, lensys a thriniaeth ddeintyddol
• Cynlluniau Prynu Beiciau a Thechnoleg trwy aberthu cyflog mewn ffordd effeithlon o ran treth dros gyfnod o ddeuddeg mis
• Rhoi trwy’r Gyflogres ar gyfer rhoddion elusennol

Rydyn ni’n cydnabod efallai y byddai'n well gennych rannu'ch wythnos waith rhwng ein swyddfeydd a'ch cartref, ac yn annog pawb i drafod yr hyn fyddai orau ganddyn nhw gyda'u rheolwr.

Sut i Wneud Cais

I wneud cais, lawrlwythwch ffurflen gais oddi ar ein gwefan ac anfonwch eich ffurflen wedi'i chwblhau yn Saesneg trwy e-bost i careers@trpresearch.com.

Dyddiad cau: Mawrth 2026

Ochr yn ochr â'ch ffurflen gais, anfonwch lythyr yn Gymraeg hefyd yn esbonio pam mae'r rôl hon o ddiddordeb i chi. Dylai hyn gynnwys y wybodaeth yr ydych yn ei rhoi yn Saesneg yn adran gwybodaeth ategol eich ffurflen gais.

Mae TRP Research Ltd yn gyflogwr cyfle cyfartal.