Ydych chi'n angerddol am gyfathrebu ac yn edrych am eich her nesaf?

Rydym yn chwilio am unigolyn deinamig i ymuno â'n Hadran Cyfathrebiadau Corfforaethol.

Mae gwaith y tîm cyfathrebu o fewn gwasanaeth brys rheng flaen yn amrywiol ac yn werth chweil - gan ymgorffori ystod o ddyletswyddau a chyfrifoldebau sy'n chwarae rhan hanfodol wrth ddiogelu'r cymunedau a wasanaethwn.

Am y Rôl:

Fel Swyddog Cyfathrebu Corfforaethol, byddwch yn chwarae rhan ganolog wrth ddatblygu a hyrwyddo ein strategaeth cyfathrebu corfforaethol.

Bydd eich ymagwedd ragweithiol yn sicrhau bod ein tîm cyfathrebu yn cyflawni'n gyson i'r safonau uchaf.

Gyda'r gallu i greu cynnwys ysbrydoledig a chymhellol gyda'r nod o ymgysylltu â rhanddeiliaid mewnol ac allanol, byddwch ar flaen y gad o ran cyfathrebu amcanion, gwerthoedd craidd a chyflawniadau'r gwasanaeth tân ac achub.

Cyfrifoldebau Allweddol:

• Cynorthwyo i weithredu'r strategaeth cyfathrebu corfforaethol, gan sicrhau cyfathrebu cynhwysfawr a phroffesiynol ar ran y gwasanaeth tân ac achub.
• Darparu cefnogaeth mewn amrywiaeth o fentrau cyfathrebu, yn fewnol ac yn allanol ac ar draws amrywiaeth o lwyfannau.
• Cynrychioli'r Gwasanaeth mewn digwyddiadau cyfathrebu.

Gofynion:

• Rhugl yn y Gymraeg a'r Saesneg, gyda sgiliau cyfathrebu llafar ac ysgrifenedig rhagorol yn y ddwy iaith
• Gallu ysgrifennu cyfathrebiadau staff a phrofiad o ddrafftio datganiadau newyddion cryno a chywir a briffiau ar gyfer amrywiol randdeiliaid.
• Gallu cynorthwyo i gysylltu â'r cyfryngau a defnyddio llwyfannau cyfryngau cymdeithasol i ymgysylltu'n effeithiol â chynulleidfaoedd allanol.
• Profiad o sicrhau bod cynnwys yn gyfredol ar draws amrywiaeth o llwyfannau cyfathrebu megis gwefan allanol y Gwasanaeth, mewnrwyd y Gwasanaeth a chyfathrebu â staff drwy’r ‘Crynodeb Wythnosol’.
• Mae'r rôl yn cynnwys cymryd rhan mewn swyddfa'r wasg y tu allan i oriau, a weithredir mewn shifftiau ar rota ar y cyd â Heddlu Gogledd Cymru.

Sylwch fod y swydd hon yn amodol ar Fetio Personél nad yw’n Heddlu (NPPV). I gael rhagor o fanylion am y rôl, cysylltwch â Tracey Williams Rheolwr Cyfathrebu Corfforaethol Tracey.Williams@tangogleddcymru.llyw.cymru.

I wneud cais, cwblhewch a chyflwynwch eich pecyn cais drwy e-bost i: recruitment@northwalesfire.gov.wales

Y dyddiad cau ar gyfer derbyn ffurflenni cais yw hanner dydd, 8 Mai 2024

Cedwir yn gaeth at y dyddiad cau ac ni fydd unrhyw eithriadau.