Sylwer: ar gyfer siaradwyr Cymraeg, mae’r prawf cenedlaethol dechreuol yn cael ei gynnal yn Saesneg. Gellir cynnal prosesau mewnol Heddlu Gwent, gan gynnwys y ganolfan asesu a’r cyfweliad trwy gyfrwng y Gymraeg. I helpu ymgeiswyr sy’n gwneud cais yn Gymraeg, awgrymwn eich bod yn newid yr iaith i’r Gymraeg ar y “Jobs Posting Board”

Mae Cysylltwyr Ystafell Gyswllt a Rheoli'r Llu yn derbyn llawer o hyfforddiant ac maen nhw'n fedrus iawn. Maen nhw'n ymdrin â'r holl alwadau brys a dderbynnir trwy 999 a'r holl alwadau nad ydynt yn rhai brys a dderbynnir trwy 101 a'r switsfwrdd. Yn ogystal â chofnodi digwyddiadau a rhoi cyngor, mae'r cysylltwyr hefyd yn gyfrifol am anfon a rheoli adnoddau’r heddlu, gan sicrhau bod y swyddogion iawn yn y lle iawn ar yr adeg iawn. Rydym yn chwilio am ymgeiswyr brwdfrydig ac uchelgeisiol gydag ymagwedd gadarnhaol ac sy'n gallu trin pobl yn dda ar y ffôn. Hoffem annog pobl sy’n ystyried ymgeisio i wneud cais ar gyfer y Cynllun Cysgodi er mwyn cael rhagflas o’r rôl (Dolen yn adran Ymunwch â Ni gwefan Heddlu Gwent)

Rydym yn recriwtio siaradwyr Cymraeg i gefnogi’r sefydliad wrth iddo ateb y galw gan y cyhoedd a chydymffurfio â Safonau’r Gymraeg. 

Mae llawer o wybodaeth ynglŷn â’r swyddi a’r broses recriwtio yn y dogfennau ynghlwm. Gallwch gael rhagor o wybodaeth am y rôl yma a gallwch weld ein fideo gwybodaeth Tu Ôl i’r Bathodyn yma

Sylwer: mae’n rhaid aros yn y swydd hon am ddwy flynedd cyn y gellir gwneud cais am swyddi eraill).

Sylwer: Mae’n rhaid i chi aros yn y swydd yma am ddwy flynedd cyn y gallwch ymgeisio am swyddi eraill.

DYDDIADAU I’W NODI 

Canolfan Asesu – 13/14/15 Mai

Cyfweliadau - w/d 3 Mehefin

Dyddiad dechrau arfaethedig - Medi 2024

SYLWER:

Ar gyfer y broses ymgeisio yma, yn unol â’r disgrifiad swydd, nid oes gofyn i chi ddarparu unrhyw dystiolaeth ar sail cymhwysedd. Gadewch y rhan yma’n wag a chyflwynwch eich cais; wedyn bydd dolen yn cael ei hanfon atoch chi er mwyn i chi gwblhau prawf ar-lein.

SYLWER:

Ar gyfer y broses ymgeisio hon, yn unol â’r disgrifiad swydd, nid oes gofyn i chi ddarparu unrhyw dystiolaeth seiliedig ar gymhwysedd. Gadewch y rhan hon yn wag a chyflwynwch eich cais; anfonir dolen atoch chi wedyn ar gyfer prawf i’w gwblhau ar-lein.

Y buddion rydym yn eu cynnig  

Yma yn Heddlu Gwent, rydym yn gwerthfawrogi ein gweithwyr, ac rydym yn rhoi digonedd o gefnogaeth a hyfforddiant i sicrhau eich bod yn rhagori yn eich swydd. Rydym hefyd yn cynnig buddion fel y rhai canlynol:

• Hawl i wyliau blynyddol hael sy’n codi i naill ai 27 neu 30 diwrnod yn dibynnu ar raddfa, yn ogystal ag wyth gŵyl banc
• Rhaglen Cymorth i Weithwyr ac amrywiaeth o raglenni cefnogi lles
• Mynediad am ddim i gampfeydd yn ein safleoedd
• Gostyngiadau gan nifer o fanwerthwyr trwy’r cynllun Blue Light a Cherdyn Vectis
• Cynllun Beicio i’r Gwaith
• Gweithio Hybrid/Ystwyth (yn dibynnu ar y swydd)
• Cyfleoedd i weithio’n hyblyg
• Cynllun pensiwn Llywodraeth Leol
• Amrywiaeth o rwydweithiau cefnogi     
• Hawl i wyliau mamolaeth/tadolaeth a mabwysiadu hael    
• Darpariaethau tâl salwch hael   
• Opsiwn i ymaelodi ag UNSAIN, yr undeb gwasanaethau cyhoeddus