Aelod Panel - Gofal Cymdeithasol
Cymru

Amdanom Ni

Mae Gofal Cymdeithasol Cymru yn darparu arweinyddiaeth ac arbenigedd ym maes gofal cymdeithasol a’r blynyddoedd cynnar yng Nghymru. Ein gweledigaeth yw gwneud gwahaniaeth cadarnhaol i ofal a chymorth i blant, oedolion, a’u teuluoedd a’u gofalwyr.

I gyflawni hyn, rydym yn arwain ar ddatblygu a rheoleiddio’r gweithlu gofal cymdeithasol, gwella gwasanaethau, a data ac ymchwil i wella gofal. Trwy ein gwaith sicrhau ansawdd, rydym yn cefnogi addysgwyr gwaith cymdeithasol mewn lleoliadau addysg ac ymarfer, gan sicrhau'r lefel uchaf o hyfforddiant ar gyfer y genhedlaeth nesaf o weithwyr gofal cymdeithasol.

Fel rheoleiddiwr y gweithlu gofal cymdeithasol yng Nghymru, rydym yn cofrestru gweithwyr cymdeithasol, rheolwyr gofal cymdeithasol a gweithwyr ac yn gosod safonau drwy’r Cod Ymarfer Proffesiynol.

Rydym nawr yn chwilio am aelodau gofal cymdeithasol i ymuno â ni, gan weithio o leiaf 12 diwrnod y flwyddyn.

Cynhelir gwrandawiadau ar-lein fel arfer ond efallai y cynhelir rhai gwrandawiadau personol yn ein swyddfa yng Nghaerdydd neu Gyffordd Llandudno neu leoliadau eraill yng Nghymru, felly efallai y bydd angen rhywfaint o deithio ac arosiadau dros nos.

Cydnabyddiaeth

- Cyflog o £200 (taliad cyfradd dyddiol ar gyfer pob eisteddiad)

Y Rôl

Fel aelod o'r panel, byddwch yn asesu addasrwydd gweithwyr gofal cymdeithasol i ymarfer, gan sicrhau bod penderfyniadau yn deg ac yn seiliedig ar dystiolaeth ac yn cynnal diogelwch y cyhoedd.

Gan weithio ar y cyd â chyd-aelodau o'r panel, byddwch yn gwerthuso tystiolaeth, yn ystyried achosion, yn gwneud penderfyniadau gwrthrychol ac yn darparu penderfyniadau clir, rhesymegol sy'n adlewyrchu ein gwerthoedd a'n harweiniad.

Yn ogystal, byddwch yn paratoi ar gyfer gwrandawiadau drwy adolygu bwndeli achos a mynd i'r afael â gwrthdaro buddiannau posibl.

Amdanoch Chi

Mae’n ofynnol i aelodau’r gofal cymdeithasol feddu ar brofiad proffesiynol a chefndir mewn gofal cymdeithasol yng Nghymru i roi mewnwelediad i waith ym maes gofal cymdeithasol i ystyriaeth y panel ac i helpu dau aelod lleyg y panel i ddeall elfennau technegol ac ymarferol rôl gofal cymdeithasol cofrestredig.

Disgwylir i aelodau gofal cymdeithasol esbonio eu profiad ymarferol o weithio i ddeddfwriaeth berthnasol mewn perthynas â'r achosion sydd ger eu bron, lle bo angen.

I gael eich ystyried yn aelod o banel gofal cymdeithasol, bydd angen i chi fod, neu fod wedi bod, yn y pum mlynedd diwethaf:

- Gweithiwr cymdeithasol cofrestredig, gweithiwr gofal cymdeithasol neu reolwr yng Nghymru
- Yn ymwneud â hyfforddiant, addysg, penodi, cyflogaeth, cyflenwi, goruchwylio, monitro neu gynrychioli gweithwyr cymdeithasol neu weithwyr/rheolwyr gofal cymdeithasol yng Nghymru

Mae angen:

- Rheolwyr a gweithwyr cartrefi gofal oedolion
- Rheolwyr a gweithwyr gofal plant preswyl
- Rheolwyr a gweithwyr gofal cartref
- Gweithwyr cymdeithasol

Y dyddiad cau ar gyfer y rôl hon yw 6 Ionawr 2025.

Rydym am i’n paneli gynrychioli’r gweithlu gofal cymdeithasol sydd wedi cofrestru gyda ni yn ogystal â’r boblogaeth yng Nghymru. Gwyddom fod rhai grwpiau’n cael eu tangynrychioli ar ein paneli ac rydym yn ceisio gwneud ein paneli’n fwy cynrychioliadol o Gymru amrywiol.

Gellir gwneud addasiadau rhesymol ar unrhyw gam o’r broses recriwtio ar gyfer ymgeiswyr ag anabledd, nam neu gyflwr iechyd, er enghraifft, sy’n niwro-ddargyfeiriol neu sy’n defnyddio Iaith Arwyddion Prydain. Cysylltwch â'r Tîm Adnoddau Dynol i drafod addasiadau ar gyfer unrhyw ran o'r broses.

Gall sefydliadau eraill alw'r rôl hon yn Asesydd Gofal Cymdeithasol, Aelod o'r Panel Adolygu Gofal Cymdeithasol, Aelod o'r Panel Cofrestru a Chydymffurfiaeth, Aelod o'r Panel Gwaith Cymdeithasol, neu Aelod o'r Panel Rheoleiddio.

Felly, os hoffech ymuno â ni fel aelod o banel gofal cymdeithasol, dewiswch y botwm ymgeisio a ddangosir. Mae'r swydd wag hon yn cael ei hysbysebu gan Webrecruit. Mae'r gwasanaethau a hysbysebir gan Webrecruit yn rhai Asiantaeth Gyflogaeth.